ப்ளாக்கர் பீட்டாவுக்கு டாட்டா

1. பீட்டா, டாட்டா சொல்லிச் சென்றுவிட்டதாமே! மெய்யாலுமா?
ஆம். முன்பே சொல்லி இருந்தபடி, பீட்டா என்பது மென்பொருளைச் சோதனை செய்யும் போது அதன் பெயர். சோதனை வெற்றியடைந்து விட்டால், அது மென்பொருளின் அடுத்த பதிப்பாக வெளிவந்துவிடும். ப்ளாக்கர் பீட்டா முடிந்துபோய், நமது ப்ளாக்கர் பழைய ப்ளாக்கர் கணக்கு ஆகிவிட்டது. பீட்டா பிளாக்கர், புது ப்ளாக்கர் ஆகிவிட்டது

2. எல்லாருமே பீட்டாவுக்கு மாறித்தான் ஆகணுமா?
இல்லை. ஆனால், பீட்டா என்பது ப்ளாக்கர் ஆகிவிட்டபடியால், பீட்டாவுக்கு அல்லது புது ப்ளாக்கருக்கு மாறிக் கொள்வது நல்லது. ப்ளாக்கரின் புதிய சேவைகள், வசதிகள் மாறுவதால் கிடைத்துப் போகும். மாற விரும்பாதவர்கள் இப்போதும் பழைய ப்ளாக்கர் - old blogger என்ற சுட்டி வழியாக பழைய கணக்கிலேயே இருக்கலாம். ஆனால், ப்ளாக்கர் சில நாட்களில், புது ப்ளாக்கருக்கு மாறச் சொல்லி நிச்சயம் வற்புறுத்தும்.

3. புது ப்ளாக்கருக்கு மாறுவது எப்படி?
உங்கள் பழைய கணக்கில் உள்நுழைந்தால், Switch to New Blogger என்று ஒரு சுட்டி தெரியும். அதைச் சொடுக்கி, புது ப்ளாக்கருக்கு மாறிக் கொள்ளலாம். புது ப்ளாக்கர் உங்களின் கூகிள் கணக்கில் அமையும். புது ப்ளாக்கருக்கு மாறிய பின்னர், பழைய ப்ளாக்கர் கணக்கு மற்றும் கடவுச் சொல் பயனற்றுப் போய்விடும்

4. இந்த மாற்றம் நடக்க எத்தனை நேரம் எடுக்கிறது?
புது ப்ளாக்கருக்கு மாறும் போது உங்களின் இடுகைகள்/பின்னூட்டங்கள் ஒவ்வொன்றும் புதிய தகவலிடங்களுக்கு மாறுவதால், இதைச் செய்ய பலமணிநேரம் எடுக்கிறது. எனக்குச் சுமார் இருபது மணிநேரம் எடுத்தது. நண்பர் ஒருவருக்கு நான்கு மணிநேரத்தில் முடிந்துவிட்டது. ஆக, இது உங்கள் கணக்கில் உள்ள இடுகைகள், பின்னூட்டங்கள், பதிவுகளின் எண்ணிக்கையைப் பொறுத்து மாறும்

5. மாற்றத்திற்கான சுட்டி என் ப்ளாக்கர் கணக்கில் தெரியவில்லையே! என்ன செய்ய?
புது ப்ளாக்கர் மாற்றத்திற்கான சுட்டி உங்களின் பழைய ப்ளாக்கர் கணக்கில் உள்நுழையுமிடத்திலேயே தெரியும். தெரியாவிட்டால், இப்போதைக்கு உங்கள் பதிவு புது ப்ளாக்கர் மாற்றத்திற்குத் தேர்ந்தெடுக்கப்படவில்லை என்று பொருள். காத்திருந்தால், சில நாட்களில் சுட்டி தெரியலாம்.

6. மாற்றுவதற்கு முன்னால் செய்யவேண்டியது என்ன?
உங்கள் கணக்கு புது ப்ளாக்கருக்கு மாறுவதற்கு முன்னால், உங்கள் வார்ப்புருவைத் தனியாக சேமித்து வைத்துக் கொள்ளவும். இந்த வார்ப்புருவில் இருக்கும் ஆங்கிலமல்லாத சொற்களைப் புது ப்ளாக்கர் மாற்றத்தில் இழந்துவிட நேரலாம் என்பதால், இது மிகவும் முக்கியம்

7. புது ப்ளாக்கரின் சிறப்புகள் என்னென்ன?
புது ப்ளாக்கரின் சிறப்புகள் :

• வகைப் படுத்த முடிதல்
• வார்ப்புருவில் நிறங்களை நாமே தேர்ந்தெடுத்து மாற்ற முடிவது
• வார்ப்புருவில் புதுப் புது பக்கப் பெட்டிகளை நாமே சேர்க்க முடிவது.
  

விரிவான விளக்கத்திற்கு இங்கு பார்க்கலாம்.

8. புது ப்ளாக்கர் கணக்குக்கு மாறியவுடனேயே இந்தச் சிறப்புச் சேவைகள் என் பதிவிற்கும் கிடைத்துவிடுமா?
இல்லை. கிடைக்காது. புது ப்ளாக்கர் கணக்கிற்கு மாறுவதால் இந்த சிறப்புகளைப் பெற முடியாது. இந்தச் சிறப்புகள் வேண்டுமெனில், புது வார்ப்புரு உருவாக்கத்திற்கும் மாறிக் கொள்ள வேண்டும். இந்த மாற்றத்திற்கான சுட்டியும் உங்கள் கணக்கில் இருக்கும் (Customize Design) என்ற பக்கத்தில் இருக்கும்.

9. இந்தப் புது வார்ப்புருவாக்கத்திற்கு மாறிவிட்டால், நம் பதிவுகள் திரட்டிகளில் தொடர்ந்து தெரியுமா?
இல்லை. இதில் தான் பிரச்சனை இருக்கிறது. புது வார்ப்புருவாக்க மாற்றத்திற்குப் பின்னும் தேன்கூடு திரட்டியில் பதிவு தெரிவதில் பிரச்சனைகள் இருப்பதில்லை.

ஆனால், தமிழ்மணத்திற்காக நாம் இட்டுவைத்திருந்த கருவிப்பட்டை இந்த வார்ப்புருவாக்க மாற்றத்தில் காணாமல் போய்விடுவதால், தமிழ்மணத்தில் உடனே இணைய முடியாது. இந்த இடுகையில் கண்டிருக்கும் விதத்தில் பதிவுப்பட்டி மாற்றங்களைச் செய்து, அதன் பின்னரும் உங்கள் பதிவில் செய்தியோடை பிழை தெரிந்தால், அதே இடுகையில் பின்னூட்டமாக இடவேண்டும். தமிழ்மணம் தொழில்நுட்பக் குழு உங்களின் பதிவைப் பார்த்துச் சரிசெய்து திரட்டியுள் சேர்த்துக் கொள்ளும்.

10. அப்படியா! புது வார்ப்புருவாக்கத்தில் இத்தனை பிரச்சனைகள் இருக்குமானால், பழைய வார்ப்புருவுடனேயே தொடர முடியுமா?
முடியும். புது ப்ளாக்கருக்கு மாறிய புதிதில் உங்களின் பழைய வார்ப்புரு தான் இருக்கும். அதில் ஏற்கனவே நகலெடுத்து வைத்திருந்த வார்ப்புரு நிரலியை எடுத்து ஒட்டிக் கொண்டுவிட்டால், பழையபடியே பிரச்சனையில்லாமல் தொடரலாம். என்ன, புதுவசதிகளான வகைப்படுத்தல் (label), வார்ப்புரு நிற மாற்றம் போன்றவை செய்ய முடியாது.

ஒருவேளை புது வார்ப்புருவைத் தேர்ந்தெடுத்திருந்தலும், உங்கள் பதிவின் Layout வழியாக -> Template-> Edit HTML பக்கத்தில் Revert to Classic Template சுட்டியைத் தட்டி பழைய வார்ப்புருவுக்கு மாறிக் கொள்ளலாம்.

11. பழைய ப்ளாக்கரில் தொடங்கிய குழுக் கணக்குகள் புது ப்ளாக்கருக்கு எப்போது மாறும்?

பழைய ப்ளாக்கரில் தொடங்கிய குழுப் பதிவுகள், அந்தப் பதிவைத் தொடங்கியவர் புது ப்ளாக்கருக்கு மாறும் போது தாமும் மாறிவிடும். ஒரு குழுப் பதிவுக்கு நான்கு பேர் பொறுப்பாளராக இருக்கும் போது, அந்தப் பதிவைத் தொடங்கியவரின் கணக்குப் புது ப்ளாக்கருக்கு மாறிவிட்டால், ஒவ்வொருவராக பழைய கணக்குள்ளவர்களும் மாற வேண்டும். அப்படி மாறுபவர்களில் கடைசியாக மாறுபவர் புது ப்ளாக்கரில் உள்ள குழுப் பதிவின் முதலாளி ஆகிவிடுவார். அவரை அந்தக் குழுவிலிருந்து நீக்க முடியாது போகலாம்.

12. நான் தொடங்காத ஒரு குழுப் பதிவில் நானும் ஒரு admin உறுப்பினர். இப்போது என் கணக்கு புது ப்ளாக்கருக்கு மாறினால், குழுப் பதிவு என்னவாகும்?

குழுப் பதிவு இன்னமும் பழைய ப்ளாக்கரில் தான் இருக்கும். அந்தப் பதிவில் நீங்களும் இடுகைகள் இடலாம், பழையபடி அதில் மாற்றங்கள் செய்யலாம். ஆனால், அந்தப் பதிவை ப்ளாக்கரில் உருவாக்கியவர் புது ப்ளாக்கருக்கு மாறினால் தான் குழுப் பதிவும் புது ப்ளாக்கருக்கு வரும்.

13. பழைய ப்ளாக்கருக்கு கிடைத்தது போல், புது ப்ளாக்கருக்கு வேறுவகையான வார்ப்புருக்கள் கிடைக்கின்றனவா?

கிடைக்கின்றன. ஏற்கனவே நமது நண்பர் ரமணி தொடங்கி பலரும் புது ப்ளாக்கரின் நெளிவுசுழிவுகளைக் கண்டுகொள்ளத் தொடங்கிவிட்டார்கள். அது போன்ற ஒரு சிலர் புது வார்ப்புருக்களும் உருவாக்கிவிட்டார்கள். Beta Blogger templates என்று தேடினாலே புது வார்ப்புருக்கள் கிடைப்பது உறுதி

[பி.கு: எனக்கு வந்த சில கேள்விகளின் அடிப்படையில் இந்தக் கேள்விபதிலைத் தயாரித்துள்ளேன். வேறு கேள்விகள் இருப்பினும் கேட்கலாம். பதிவர் உதவிக் குழு அவற்றிற்குப் பதிலிட முயலும்.]

comments - பின்னூட்டம் / மறுமொழி

ஒரு இடுகையின் வாசகர் அதை எழுதியவருக்குச் சொல்ல விரும்புவதை அதே இடுகையின் பக்கத்தில் சொல்ல வழி செய்வதே மறுமொழி அல்லது பின்னூட்டம் ஆகும். உங்கள் ப்ளாக்கர் பதிவில் பின்னூட்டம் இடுவது குறித்த அமைப்புகள் என்னென்ன, அதை எப்படிப் பயன்படுத்துவது போன்ற கேள்விகளுக்கு இந்த இடுகை பதில் சொல்ல முயல்கிறது:

Settings => Comments

1. Comments - Show/Hide
பின்னூட்டங்களைக் காட்டவோ மறைக்கவோ செய்யலாம். ஒரு பதிவில் பின்னூட்டத்தைக் காட்டுவதா கூடாதா என்ற கேள்விக்கு இந்தத் தெரிவு விடையளிக்கிறது. show என்றால் காட்ட முடியும். Hide என்றால் பின்னூட்டங்கள் இருக்கும்; ஆனால் பார்க்க முடியாது.

பொதுவாக இது show என்று தான் இருக்கும்.

2. Who can Comment?
பின்னூட்டம் யாரெல்லாம் இட முடியும்?
* ப்ளாக்கர் கணக்கு வைத்திருப்பவர்கள் (Only Registered Users) -
ப்ளாக்கரில் கணக்கு வைத்திருப்பவர்கள் மட்டுமே இந்தப் பதிவுகளுக்குப் பின்னூட்டமிடமுடியும்.

* யார் வேண்டுமானாலும் (Anyone)
ப்ளாகர் கணக்கு இல்லாத பெயரில் பிறரும் (other), எந்த வித பெயர் அடையாளமும் காட்டிக் கொள்ளாமலும் (anonymous) யார் வேண்டுமானாலும் பின்னூட்டமிடலாம்.

* அந்தப் பதிவின் உறுப்பினர்கள் மட்டும் (Only Members of this blog)
அந்தப் பதிவின் members அல்லது permissions பக்கத்தில் இருக்கும் உறுப்பினர்கள் மட்டுமே.

பொதுவாக இவற்றில் முதல் இரண்டைத் தான் பயன்படுத்துகிறோம். புது ப்ளாகரிலும் இதே வகைகள் தாம். ஆனால், புது ப்ளாகரில் கணக்கு வைத்திருப்பவர்கள் பழைய ப்ளாக்கரில் பின்னூட்டம் இடும்பொழுது, அவை anonymous பின்னூட்டங்களாகவே அனுமதிக்கப்படுகின்றன. அதனால் தான் ப்ளாக்கர் கணக்கு தெரிவை மட்டுமே வைத்திருக்கும் சிலரால் இந்த புதிய ப்ளாகர் பின்னூட்டங்களைப் பதிப்பிக்க முடிவதில்லை.

அத்துடன் other தெரிவின் வழியே வரும் பின்னூட்டங்களின் புகைப்படங்கள் தெரியாது. ஆனால், ப்ளாக்கர் கணக்கு வழியே வருபவற்றின் படங்களும் தெரியும். பதிவுக் கணக்கு இல்லாதவர்களுக்காகவே உருவானவை தான் இந்த other மற்றும் anonmous தெரிவுகள்.

3. Comments Default for Posts - New Posts Have Comments/New Posts Do not have comments

இந்தத் தெரிவின் மூலம் புதிதாகப் பதியப் போகும் இடுகைகளுக்குப் பின்னூட்டம் வேண்டுமா வேண்டாமா என்று பதிவாசிரியரே முடிவெடுக்கலாம். மேலே உள்ள show/hide தெரிவைப் பொறுத்தவரை அது எல்லா இடுகைகளுக்குமான தெரிவு. இந்த புது இடுகைகள் பற்றிய தெரிவு, இனிமேல் எழுதப் போகும் இடுகைகளின் பின்னூட்டப் பெட்டிகளை மட்டுமே கணக்கில் கொண்டு இயங்கும்.

4. Backlinks = show/hide
Backlink என்பது, உங்கள் பதிவின் முகவரியைத் தனது இடுகையின் இடையில் கொடுத்து எழுதப்படும் புதிய இடுகை. - தொடர்புடைய இடுகை என்றும் இதனை அழைக்கலாம். அப்படி எழுதப் படும் பிற இடுகைகளின் முகவரி உங்கள் பதிவில் தெரிய வேண்டுமா வேண்டாமா என்று முடிவு செய்வதே இந்தக் கேள்வியின் நோக்கம்.

5. Backlinks Default for Posts
புது இடுகைகளில் இது போன்ற தொடர்புடைய சுட்டிகள் தெரிய வேண்டுமா? வேண்டாமா? (கவனிக்க, 4ஆம் எண் தெரிவு எல்லா இடுகைகளுக்குமானது. 5 ஆவது, புது இடுகைகளுக்கு மட்டுமானது)

6. Comments Timestamp Format
இடுகைகளின் பின்னூட்டங்களின் நேரம் எத்தனை துல்லியத்துடன் அறிவிக்கப் படவேண்டும் என்ற தெரிவு இது.

7. Show comments in a popup window? Yes/No
பின்னூட்டங்கள் ஏற்கும் பெட்டி, வலையுலாவியில், புதிய பக்கத்தில் தெரிய வேண்டுமா? அல்லது அதே பக்கத்திலா? இந்தக் கேள்விக்கான விடையை இந்த தெரிவு சொல்லலாம்.

இதை அதே பக்கத்தில் தெரியுமாறு வைப்பதே வேகமான வலைப்பக்கப் புதுப்பித்தலுக்கு உதவும்.

8. Enable comment moderation? Yes/No
பின்னூட்ட மட்டுறுத்தல் - மிக மிக முக்கியமான தெரிவு இது. பின்னூட்டம் மட்டுறுத்தப்படுதல் என்றால், புதிதாக இடப்படும் பின்னூட்டத்தை முதலில் பதிவாசிரியர் பார்த்து, அதன் சொற்சுவை, பொருட்சுவை உணர்ந்து பிரசுரிப்பதா வேண்டாமா என்று முடிவெடுக்க உதவுவது இந்தத் தெரிவு.

பொதுவாக இதைத் தெரிந்தெடுப்பதே சிறந்தது. புதுப் பின்னூட்டங்கள் எந்த மின்முகவரிக்கு மடலாக அனுப்பப்பட வேண்டும் என்பதையும் இங்கே சொல்வது நல்லது.

9. Show word verification for comments? Yes/No
கவனிக்கப் படவேண்டிய மற்றொரு தெரிவு இது. வலைப் பதிவில் எரிதப் (spam) பின்னூட்டங்கள் வராமல் இருப்பதைத் தடுப்பதே இதன் முக்கிய நோக்கமாகும். இந்தத் தெரிவு இயங்கினால், பின்னூட்டமிடும் ஒவ்வொருவருக்கும் ஒரு சொற்பெட்டி காண்பிக்கப்படும். அந்தப் பெட்டியில் உள்ள எழுத்துக்களைப் பார்த்து மீண்டும் எழுதினால் மட்டுமே பின்னூட்டம் ஏற்கப்படும். தமிழ்ப்பதிவுகளில் இதைச் செய்வது கொஞ்சம் தொல்லையான விசயமே.. இந்தத் தெரிவை வேண்டாம் என்று சொல்லிவிடுவதே அதிக பின்னூட்டம் வர முதல் வழி ;) தவிர, மறுமொழி மட்டுறுத்தலை முடுக்கி விட்டிருந்தால், இந்தத் தெரிவு அவ்வளவு அவசியமாக இருக்காது.

10. Show profile images on comments? Yes/No
இந்தத் தெரிவை இயக்குவதால், பின்னூட்டமிடுபவர்களின் ப்ரொபைல் (profile) படங்கள் பதிவில் தெரியும். இதன்மூலம் கொஞ்சம் பக்கம் புதுப்பித்தலில் தாமதமானாலும், பின்னூட்டமிட்ட பதிவரின் தனித்துவம் காப்பாற்றப்படும்.

11. Comment Notification Address
இதில் மின்மடல் முகவரியைக் கொடுத்தால், இடப்படும் ஒவ்வொரு பின்னூட்டமும் இந்த முகவரிக்கு மடலாக அனுப்பப்படும்.

இவை தவிர, ஒவ்வொரு இடுகையின் இறுதியிலும் பின்னூட்டங்களுக்கான ஒரு தெரிவு ஒளிந்துள்ளது.

புது இடுகையைத் தட்டும் பொழுதில்,
Posting => Create =>
இங்கே, இடுகை தட்டச்சும் பெட்டிக்குக் கீழே Post Options என்ற அம்புக் குறி உள்ளது. இதைத் திறந்து பார்த்தால், Comments - Allow/Dont allow என்றும் Backlinks Allow/Dont Allow என்றும் தெரிவுகள் உண்டு.

இவற்றின் மூலம் இடப்படும் ஒவ்வொரு இடுகைக்கும் பின்னூட்டம் காட்டுவதா வேண்டாமா என்பதை இடுகை இடும் பொழுதும் மீள்பரிசோதனை செய்யலாம்.


அருஞ்சொற்பொருள்:

• இடுகை - Post
• பின்னூட்டம் - Comment
• உலாவி - Browser

How to Read/Write in Tamil ..

இணையத்தில் முதன்முறையாக தமிழ் உபயோகிக்க துவங்கும் பெரும்பாலானோரின் முதல் கேள்வி தமிழிலுள்ள பக்கங்களை எவ்வாறு படிப்பது, தமிழ் பக்கங்களை படிக்க என்னென்ன Fontகளை தரவிறக்கம் செய்யவேண்டும், தமிழில் எழுதுவது எப்படி, தமிழுக்கென தனி Keyboard இருக்கிறதா என்பதாகத்தான் இருக்கும். கில்லிக்காக Voice on Wings எழுதிய இந்த கேள்விகளுக்கெல்லாம் விடையளிப்பதால் இங்கே மீள்பதிவிடுகிறோம். நன்றி Gilli & Voice on Wings :)

Tamil Computing Tutorial for reading and writing Tamil on the Net - Voice on Wings

Reading Tamil text

When you open a tamil blog and see only question marks or boxes instead of tamil letters, it means your computer is not equipped with any Unicode font for Tamil (Note: 'Unicode' is the universal encoding mechanism for computers, that accommodates all the languages of the world with a single coding scheme).

Step 1: To install the needed font(s), download the installer from this web page and execute it. This would install 10 Unicode Tamil fonts in your computer. If you use Internet Explorer 6.0 or above, this should enable you to view the page correctly.

Step 2: (Only for Firefox browser) You may see consonants and vowel modifiers displayed separately, instead of being shown as composite letters (uyir mei). To correct this, download this file and save it in the folder below:

C:\Documents and Settings\[User Name]\Application Data\Mozilla\Firefox\Profiles\xxxxx.default\chrome (for Windows 2000/XP)
(OR)

C:\WINDOWS\Application Data\Mozilla\Firefox\Profiles\xxxxxxx.default\chrome (for Windows 98/Me)
Note: [Username] denotes your Windows username
'xxxx.default' is a folder name under the Profiles folder with '.default' at the end

If you are not able to locate the folder 'Application Data' (sometimes it is hidden), type '%AppData%' in the Windows' Start>Run dialog box. It would open the folder in an Explorer window, from which you can navigate to the destination folder specified above.

It is very important to save the downloaded file in the correct location as above.

With the above steps, it would be possible to read tamil blogs using IE or Firefox browsers, on Windows platforms.

தமிழில் எழுதுவது

மேற்கூறிய வழிமுறையைக் கையாண்டு (அல்லது அப்படியெல்லாம் எதுவும் செய்யாமலேயே), இதைப் படிக்கும் வசதியைப் பெற்று விட்டீர்கள். இனி, தமிழ்ப்பதிவுகளில் (i.e. Tamil blogs) உங்கள் கருத்துக்களை, தமிழிலேயே பதிக்க விரும்புகிறீர்கள். அது மட்டுமல்லாமல், நீங்களும் ஒரு தமிழ்ப்பதிவைத் தொடங்கி, தொடர்ந்து எழுதவும் விரும்புகிறீர்கள். ஆனால் தமிழில் தட்டச்சு (typing) செய்வது எப்படி என்று உங்களுக்குத் தெரியவில்லை. அப்படியென்றால் மேற்கொண்டு படியுங்கள்.

முதல் கட்டம்: மிகவும் எளிதான வழி இவ்வலைப்பக்கத்திலுள்ள சுரதாவின் 'புதுவை' தமிழ் editorஐப் பயன்படுத்துவதே. இதில் romanized எனப்படும் ஒலியியல் முறையில் தட்டச்சு செய்யலாம். (இம்முறையை, 'அஞ்சல்' என்றும் குறிப்பிடுவதுண்டு) அதாவது, ஆங்கில எழுத்துக்களைக் கொண்டே, அவைகளுக்கு நிகரான ஒலிகளைக் கொண்ட தமிழ் எழுத்துக்களைப் பெறலாம். எப்படி என்று பார்ப்போம்.

தமிழெழுத்துக்களும், அடைப்புக்குறிகளுக்குள் அவற்றைப் பெறுவதற்கான ஆங்கில எழுத்துக்களும், கீழே பட்டியலிடப்பட்டுள்ளன:

உயிரெழுத்துக்கள்: அ(a), ஆ(aa or A), இ(i), ஈ(ii or I), உ(u), ஊ(uu or U), எ(e), ஏ(ee or E), ஐ(ai), ஒ(o), ஓ(oo or O), ஔ(au)

ஆய்த எழுத்து: ஃ(f)

மெய்யெழுத்துக்கள்: க்(k of h), ங்(ng), ச்(s or ch), ஞ்(nj), ட்(t or d), ண்(N), த்(th), ந்(n- or w), ப்(p or b), ம்(m), ய்(y), ர்(r), ல்(l), வ்(v), ழ்(z), ள்(L), ற்(R), ன்(n)

கிரந்த எழுத்துக்கள்: ஜ்(j), ஸ்(S), ஷ்(sh), ஹ்(-h), க்ஷ்(ksh), ஸ்ரீ(Srii or SrI)

உயிர்மெய்யெழுத்துக்கள்: இவற்றைப் பெற, மெய்யெழுத்தைத் தொடர்ந்து உயிரெழுத்தை தட்டச்ச வேண்டும். உதாரணம்,
க(ka) = க்(k) + அ(a),
கா(kaa or kA) = க்(k) + ஆ(aa or A).........

இந்த அடிப்படையில், எல்லா உயிர்மெய்யெழுத்துக்களையும், கிரந்த வரிசை எழுத்துக்களையும் (ஜ, ஜா, ஜி, ஜீ, etc.) பெறலாம்.

உற்று நோக்கினால், இதைக் கற்றுக் கொள்வது மிக எளிது என்பது புலப்படும். காரணம், தட்டும் ஆங்கில எழுத்துக்கும், கிடைக்கப்பெறும் தமிழெழுத்துக்குமுள்ள ஒலி ஒற்றுமை. ஒரு சில எழுத்துக்களைத் தவிர, இதில் பெரிதாக மனப்பாடம் செய்ய எதுவுமில்லை. முதல் கட்டமாக, இதைக் கொண்டு நீங்கள் தமிழில் தட்டச்சுவதற்கு பயிற்சி பெறலாம். இதுபோல், வேண்டிய தமிழ் வாக்கியங்களை உருவாக்கி, அவற்றை copy செய்து கொண்டு, அவற்றை வேண்டிய இடத்தில் ஒட்டி (paste), உங்கள் கருத்துகளை தமிழிலேயே வெளியிடலாம்.

இரண்டாவது கட்டம்: இப்போது நீங்கள் தமிழில் தட்டச்சு செய்ய போதிய பயிற்சி பெற்று விட்டீர்கள். வலைப்பதிவு விவாதங்களிலும் தமிழிலேயே உங்கள் கருத்துகளைத் தெரிவிக்கிறீர்கள். இருந்தும், சொந்தமாக ஒரு வலைப்பதிவு இருந்தால் இன்னும் நன்றாயிருக்குமே என்று எண்ணுகிறீர்கள். அப்படியென்றால் உங்கள் கணினியில் (computer / PC) தமிழ் தட்டச்சுக் கருவியை (Tamil typing tool) நிறுவுவதற்கான நேரம் வந்து விட்டதென்று பொருள். இன்று பலரும் பரவலாகப் பயன்படுத்தும் ஒரு கருவி தமிழா குழுவின் 'எ-கலப்பை'யாகும் (அதாவது, எலக்டிரானிக் கலப்பை). இதனை இங்கிருந்து download செய்து நிறுவிக்கொள்ளலாம். இதைக் கொண்டு, browser, notepad, word processor, email client போன்ற பலவற்றில் நேரடியாக தமிழில் தட்டச்சு செய்யலாம். Alt+2 விசைகளை அழுத்தினால், உங்கள் keyboard தமிழுக்கு மாறும். மறுபடி Alt+2 அழுத்தினால், திரும்பவும் ஆங்கிலத்துக்கு மாறிக்கொள்ளும்.

மூன்றாவது கட்டம்: ஒலியியல் / romanized / அஞ்சல் முறையை நன்கு பழகி விட்டீர்கள். ஆனால், கொஞ்சம் எழுதுவதற்குள் அயர்ச்சி ஏற்பட்டு விடுகிறது. ஒரு எழுத்தைப் பெறுவதற்கு நான்கைந்து விசைகளை அழுத்த வேண்டியுள்ளது. இவ்வாறாக, சிறு கட்டுரைகளை எழுதுவதற்கும் அதிகமான நேரம் செலவாகிறது. இதற்குத் தீர்வு 'தமிழ்நெட் 99' எனப்படும் தமிழ் தட்டச்சு முறையைப் பயின்று கொள்வதே. அதைப்பற்றி இந்த வலைப்பக்கத்தில் காணலாம் (ஒரு பயிற்றுக் கருவியும் வழங்கப்பட்டுள்ளது இப்பக்கத்தில்). தமிழ்நெட் 99 முறையில் தட்டச்சுவதற்கு தமிழாவின் எ-கலப்பை (தமிழ்நெட்99) எனப்படும் கருவியை download செய்து நிறுவிக்கொள்ள வேண்டும். இது, செயல்பாட்டில் எ-கலப்பை(அஞ்சல்)ஐ ஒத்ததே. தமிழெழுத்துகளுக்கான விசைகள்தான் மாறும். இதில் பயிற்சி பெற்றால் வெகு வேகமாக தமிழில் தட்டச்ச முடியும், அயர்ச்சியும் ஏற்படாது.

நான்காவது கட்டம்: மேலே குறிப்பட்ட வழிமுறைகளைப் பின்பற்றியதால், தமிழ்க்கணிமை (Tamil computing) உங்கள் வாழ்வில் ஒரு இன்றியமையாத அம்சமாகி விடுகிறது. அப்படியிருக்கையில், உங்களுக்கு வாரக்கணக்கில் பயணம் செய்ய வேண்டியிருக்கிறது, அல்லது அலுவலகத்தில் அதிகமான நேரம் செலவழிக்க வேண்டியுள்ளது. இடையிடையே தமிழ்ப்பதிவுகளைப் படிக்கின்றீர்கள். ஆனால் தமிழில் தட்டச்சுவதற்கு வேண்டிய கருவிகளெல்லாம் இத்தகைய பொதுவிடங்களில் கிடைக்காததால்், உங்களால் விவாதங்களில் முழுமையாகப் பங்கு பெற முடிவதில்லை. அல்லது உங்கள் அனுபவங்களை / எண்ணங்களை சுடச்சுட உங்கள் வலைப்பதிவில் இட முடியவில்லை. இதற்குத் தீர்வுதான் தமிழாவின் TamilKey Firefox Extension. இதற்கு Firefox browser நிறுவப்பட்டிருக்க வேண்டும். அதன் புகழ் நாளுக்கு நாள் அதிகரித்து் வருவதால், நீங்கள் பயன்படுத்தும் பொதுக் கணினியில் அது நிறுவப்பட்டிருப்பது சாத்தியமானவொன்றே. அதன் மீது மேலே குறிப்பிட்ட extensionஐ நிறுவிக் கொண்டால், பிறகு எ-கலப்பையைப் போலவே தமிழில் தட்டச்சலாம். இது 10KBக்கும் குறைவாகயிருப்பதால், ஒரு நொடியில் இதை நிறுவிக் கொள்ள முடியும். (குறிப்பு - இதை Firefoxக்குள் மட்டுமே பயன்படுத்த முடியும். MS Word, Notepad போன்றவைகளுடன் இதைப் பயன்படுத்த முடியாது). F12 விசையை அழுத்தினால் தமிழ்நெட்99 செயல்பாட்டைப் பெறலாம். Ctrl+F12 விசைகளை அழுத்தினால் romanized / அஞ்சல் செயல்பாட்டைப் பெறலாம். F9 விசையைக் கொண்டு ஆங்கிலம் - தமிழ், இவற்றில் ஒரு மொழியிலிருந்து மற்ற மொழிக்குத் தாவிக் கொள்ளலாம். இவ்வாறு, நீங்கள் பொதுக்கணினிகளிலிருந்தும் தமிழில் உங்கள் கருத்துகளை / படைப்புகளை அளிக்க வாய்ப்புள்ளது.

புதிய பதிவர்கள் தேடும் விடைகள்

வலைப்பதிவு அறிமுகம்

1. வலைப்பதிவு (Blog) என்றால் என்ன?
   
   வலைப்பதிவு - தமிழ் விக்கிபீடியா கட்டுரை பார்க்கவும்.
   


2. வலைப்பதிவு கணக்குகளை துவக்குவது எப்படி?
   ப்ளாக்கர் (எ) வோர்ட்பிரஸ் - ஒப்பீடு - இன்பா
   


3. சொந்த தளங்களிலிருந்து எப்படி வலைப்பதிவிடுவது?
   
   
4. குழு வலைப்பதிவுகளை எப்படி அமைப்பது?
   
   முதலில் ஒரு வலைப்பதிவு தொடங்குகள்.
   
   Blogger - dashboard->settings->permissions->add authors சென்று உங்கள் குழுவில் சேர்த்துக் கொள்ள விரும்பும் நண்பர்களுக்கு அழைப்பு அனுப்புங்கள்.
   
   Wordpress.com - dashboard -> Users -> Add user from Community சென்று நண்பர்களைச் சேர்த்துக் கொள்ளுங்கள்.
   


5. செய்தியோடை என்றால் என்ன? எப்படி வேலை செய்கிறது?


வார்ப்புரு


6. பதிவில் இணைக்கப்படும் நிரல்கள் என்ன செய்கின்றன?
   
   பதிவில் இணைக்கப்படும் நிரல்கள் உங்கள் பதிவின் செயல்பாடு, தோற்றத்தை மாற்ற உதவும். உங்கள் வலைப்பதிவுக்கான வருகையாளர் புள்ளிவிவரங்கள், வலைப்பதிவுத் திரட்டிகளின் சேவைகள் போன்றவற்றைப் பெறவும் நிரல்களை இணைக்கலாம்.
   
   
7. நிரல்களை பதிவு வார்ப்புருவில் சேர்ப்பது எப்படி?
   
   Blogger -> Dashboard - > Layout -> Add Page element - > HTML / JavaScript சென்று உங்கள் நிரலை சேருங்கள்.
   
   Wordpress.com - > Dashboard - > Presentation - > Widegets - > Text 1 சென்று உங்கள் நிரலை சேருங்கள்.
   


8. வார்ப்புருக்களில் மாற்றம் செய்வது எப்படி?
   
   Blogger -> Dashboard - > Layout -> Template -> Edit HTML சென்று உங்கள் வார்ப்புருக்களில் மாற்றம் செய்யலாம்.
   
   Wordpress.com இலவச சேவை பயனர்கள் வார்ப்புரு மாற்றம் செய்ய இயலாது. சிறு நிரல்களை பக்கப்பட்டையில் இணைக்க Wordpress.com - > Dashboard - > Presentation - > Widegets - > Text 1 சென்று உங்கள் நிரலை சேருங்கள்.
   
   
9. தமிழில் வார்ப்புருக்கள் எங்கே கிடைக்கும்?
   
   சில தமிழ் வார்ப்புருக்கள் (template) தமிழ்மணத்தில் இருந்து சுட்டப்பட்டுக் கிடைக்கின்றன.

கோப்புகள்


10. புகைப்படங்களை இணைப்பது எப்படி?
    
    பதிவில் படத்தை இணைக்க அதிரடி வழி - செந்தழல் ரவி
    
    
11. கோப்புகளை பதிவுடன் இணைக்க முடியுமா?
    
    புகைப்படங்கள் - Photobucket
    
    ஒலிக்கோப்புகள் - ijigg
    
    ஒளிக்கோப்புகள் - Youtube
    
    போன்ற சேவைகளில் உங்கள் கோப்புகளை இணைத்துக் கொண்டு அதற்கான நிரலை உங்கள் இடுகையில் பொதிந்து கொள்ளுங்கள்.
    


தெரிவித்தல்


12. எழுதியதை மற்றவர்களுக்கு எப்படித் தெரிவிப்பது?
    
    தமிழ்மணம், தேன்கூடு, தமிழ்ப் பதிவுகள்டெக்னாராட்டி போன்ற திரட்டிச் சேவைகளுடன் இணைத்துக் கொள்ளுங்கள்.
    


13. profileல் சில வலைப்பதிவுகளை மறைத்து விடுவது எப்படி?
    
    Blogger -> Dashboard -> Edit profile - > Select blogs to display சென்று வேண்டிய பதிவுகளை மட்டும் தெரிவு செய்யுங்கள்.
    
    
சேவைகள்


14. நூற்றுக் கணக்கான வலைப்பதிவுகளை படித்துப் பிடித்தவற்றைக் குறித்துக் கொள்வது எப்படி?
    
    தேன்கூடு பெட்டகம் - சிறில் அலெக்ஸ்
    


15. டெக்னோரெட்டி (Technorati) என்றால் என்ன?
    
    டெக்னோரட்டி என்பது உலகளாவிய வலைப்பதிவுகளுக்கான தேடு பொறி ஆகும். பார்க்க - ஆங்கில விக்கிபீடியா கட்டுரை.
    


இடுகை மேலாண்மை


16. வீடியோ ஆடியோ பதிவுகள் எப்படி செய்வது?
    
    ஒலிப்பதிவு இடுவது எப்படி? - ரவிசங்கர்.
    
    
17. பழைய பதிவு ஒன்றை மீண்டும் முதல் பக்கத்தில் வர வைப்பது (மீள்பதிவு செய்வது) எப்படி?
    
    மீண்டும் கோயிந்து - பொன்ஸ்
    


18. இடுகையில் சுட்டியை இணைப்பது எப்படி?
    திருவாளர் கோயிந்தும் அப்பாவி பொன்ஸும் - பொன்ஸ்
    
    
19. பின்னூட்டத்தில் சுட்டியைச் சேர்ப்பது எப்படி?
    பின்னூட்டத்தை அழகுபடுத்துவது - பொன்ஸ்
    


மறுமொழிகள்


20. மறுமொழி மட்டுறுத்தல் என்றால் என்ன?
    உங்கள் பதிவுக்கு வரும் வாசகர் கருத்துக்கள் தானாகப் பதிப்பித்துக் கொள்ளாமல் முதலில் மின்மடல் உங்கள் பார்வைக்கு வந்து பிறகு ஒப்புதல் அல்லது திருத்தத்துடன் பதிப்பிக்கப்படுவதே மறுமொழி மட்டுறுத்தலாகும். தனி மடல்கள், விளம்பர, ஆபாசக் கருத்துக்களை உங்கள் பதிவில் தோன்றச் செய்யாமல் இருக்கு இது உதவும்.
    
    
21. மறுமொழி மட்டுறுத்தலைச் செயல்படுத்துவது எப்படி?
    மறுமொழி மட்டுறுத்தல் செய்வது எப்படி? - ஆவி அண்ணாச்சி
    பின்னூட்ட மட்டுறுத்தல் - பிரசுரி/நிராகரி - ஆவி அண்ணாச்சி
    


22. நமக்கு வந்த பின்னூட்டத்தை மாற்றி அனுமதிப்பது எப்படி?
    பின்னூட்ட மாற்றம்.(எடிட்) - Manikandan Vaa
    எடிட்.. edit.. எடிட்... - பொன்ஸ்
    
    


23. பின்னூட்டம் வந்துள்ளதா என்று தெரிந்து கொள்வது எப்படி?
    
    Blogger - > Dashboard -> Settings -> Comments - > Comment Notification Addressல் உங்கள் மின்மடல் முகவரியை தாருங்கள்.
    
    Wordpress.com - > Dashboard -> Options -> Comments - > Email me whenever - > Anyone posts a comment என்று அமைப்பை மாற்றுங்கள்.
    
    

விளம்பரங்கள்


24. என்னுடைய வலைப்பதிவிலும் விளம்பரங்களைக் காட்ட முடியுமா?
    வலையில் சம்பாதியுங்கள் - மயூரேசன்
    வலைப்பதிவில் விளம்பரமிட்டுச் சம்பாதியுங்கள் - மயூரேசன்
    
    

புள்ளிவிவரங்கள்


25. என் வலைப்பதிவைப் படித்துச் சென்றவர்களைப் பற்றிய விபரங்களை எப்படித் தெரிந்து கொள்வது?
    
    Wordpress.com தளத்தில் உள்ளிணைந்த புள்ளிவிவரங்கள் கிடைக்கும். Blogger பயனர்கள் Statcounter போன்ற சேவைகளைப் பயன்படுத்தி வாசகர் எண்ணிக்கை, நாடு போன்ற விவரங்களை அறியலாம்.
    
    


தமிழ்மணம்


26. புதிய இடுகையை தமிழ் மணத்தில் வரச் செய்வது எப்படி?
    
    தமிழ்மணக் கருவிப் பட்டைச் சேவை பெற்றிருந்தால் அதில் உள்ள "அனுப்பு" பொத்தான் கொண்டு தமிழ்மணத்துக்கு அனுப்பலாம். அல்லது தமிழ்மண முகப்பில் தெரியும் "இடுகைகளைப் புதுப்பிக்க" என்ற சேவை மூலம் தெரியப்படுத்தலாம்.
    
    
27. புதிய பின்னூட்டத்தை தமிழ் மணம் முதல் பக்கத்தில் வரச் செய்வது எப்படி?
    
    இதற்குத் தமிழ்மணக் கருவிப்பட்டை நிறுவப்பட்டிருக்க வேண்டும். உங்கள் பதிவில் பின்னூட்டங்களைப் பதிப்பித்த பின் குறிப்பிட்ட இடுகையின் பக்கத்தை ஒரு முறை திறந்து பார்த்தால் தமிழ் மணம் உங்கள் பதிவின் அண்மைய மறுமொழிகளைத் திரட்டிக் கொள்ளும்.
    
    
28. புதிய வலைப்பதிவை தமிழ் மணம்/ தேன்கூடு/தமிழ்பிளாக்ஸ் திரட்டிகளில் சேர்ப்பது எப்படி?
    
    தமிழ்மணம் - இங்கு சென்று விண்ணப்பியுங்கள். விரும்பினால், கருவிப்பட்டையை நிறுவிக்கொள்ளுங்கள்.
    
    தேன்கூடு - இங்கு விண்ணப்பியுங்கள்.
    
    தமிழ்ப்பதிவுகள் - இங்கு விண்ணப்பியுங்கள்.
    
    
29. தமிழ் மணத்தில் குறிச்சொற்களை எப்படிப் பயன்படுத்துவது?
    தமிழ்மணமும் குறிச்சொற்களும் - சிந்தாநதி
    


தமிழ்


30. தமிழில் தட்டச்சிடுவது எப்படி?
    
    தமிழ்த் தட்டச்சுப் பயிற்சிப் படிகள் - Voice on Wings - கில்லி கையேடு
    
    
31. ஃபயர்ஃபாக்ஸில் வலைப்பதிவு சரியாக தெரிவதில்லை, என்ன செய்ய வேண்டும்?
    http://thamizmanam.com/tmwiki/index.php?id=firefox
    


பிற


32. ஜிமெயிலில் லேபல்களைப் பயன்படுத்துவது எப்படி?
    ஜிமெயில் மடல்களைத் தெரிவு செய்து - > More Actions -> Apply label -> New label அல்லது ஏற்கனவே உள்ள குறிச்சொற்களைத் தெரிவு செய்யுங்கள்.

Blogger கணக்கை துவக்குவதும் பதிவிடுவதும்

வலைப்பதிவு சேவைகளில் Googleன் Bloggerம் ஒன்று. தமிழ் பதிவர்கள் அதிகம் பயன்படுத்தும் சேவை எனலாம். ப்ளாகரில் எளிதில் பயனராக(User) பதிவு செய்துகொண்டு பதிவிடமுடிகிறது.

புதிதாக அறிமுகப்படுத்தப்பட்டிருக்கும் ப்ளாகர் பீட்டாவிலேயே புதிய பய்னர்கள் பதிவு செய்ய இயலும்.

ப்ளாகரில் கணக்கைத் துவங்க என்ன தேவை?
1. பயன்படுத்தத் தக்க ஒரு மின்னஞ்சல் முகவரி (e-mail ID).
2. கடவுச் சொல்(password).
3. தனித்துவமான வலைப்பதிவுப் பெயர் (Unique name for the blog)

ப்ளாகரில் கணக்கை துவங்குவது எப்படி?
1. blogger.com செல்லவும்
2. 'CREATE YOUR BLOG NOW' என அம்புக்குறியிட்டிருக்கும் பகுதியைச் சொடுக்கவும்.


3. கீழ்காணும் பகுதியில் உங்கள் மின்னஞ்சல் முகவரி(Email Address), கடவுச்சொல்(Password), உங்கள் பெயர்(Display name) -இந்தப் பெயர் பதிவில் தெரியுமாதலால் புனைபெயர் இருந்தால் அதை பயன்படுத்தவும், எழுதுக்களைக்கொண்ட வண்ணப் படத்திலுள்ள எழுத்துக்களை(Word Verification) அப்படியே கீழுள்ள பெட்டியில் தட்டச்சவும். இதை வாசிக்க கடினமாயிருப்பின் பெட்டியின் அருகிலுள்ள ஊனமுற்றவர் குறியீட்டை சுட்டி கேட்கலாம். 'I accept the Terms of Service' என்பதற்கு முன்பிருக்கும் பெட்டியை தேர்வு செய்யவும் (Check it). ToS படிக்கும் பழக்கமுடையவராயின் 'Terms of Service' தேர்வு செய்து படிக்கவும். Continue என குறிக்கப்பட்டிருக்கும் அம்புக்குறியீட்டை தேர்வுசெய்து அடுத்த கட்டத்துக்குச் செல்லவும்.

4. அடுத்து உங்கள் பதிவின் பெயரையும் சுட்டியையும்(URL) தெரிவுசெய்யவேண்டியது. 'Blog Title' எனும் பகுதியில் உங்கள் வலைப்பதிவின் பெயரை இடுங்கள் (கீழே 'அறிமுகம்' என உள்ளது). 'Blog address (URL) http://' என்றிருப்பதிலுள்ள பெட்டியில் உங்கள் பதிவின் இணைய முகவரியை தட்டச்சவும். நீங்கள் தரும் முகவரி முன்பே பயன்படுத்தப்பட்டிருந்தால் அதை ப்ளாகர் நிராகரித்துவிடும். மற்ற இணைய முகவரிகள் போலவே இவையும் தனிப்பட்டதாக(Unique) அமைதல் வேண்டும். கீழே 'Check Availability' என்பதை சுட்டி நீங்கள் தேர்வுசெய்த முகவரி பயன்படுத்தப்பட்டுள்ளதா இல்லையா என அறியலாம். மீண்டும் Continueவை தேர்ந்து அடுத்த கட்டத்துக்குச் செல்லவும்.

5. இப்போது வார்ப்புருவை(Template) தேர்ந்தெடுக்கலாம். உங்கள் பதிவு எப்படி தோற்றமளிக்கவேண்டும் என்பதை தெரிவு செய்யலாம். (இதை பின்னர் உங்கள் விருப்பத்திற்கேற்ப மாற்ற வழி உள்ளது). 'Preview Template' என்பதை சுட்டினால் அந்த வார்ப்புருவில் பதிவு எப்படி தோன்றும் எனக் காணமுடியும். வார்ப்புருவை தெரிவுசெய்ய கட்டத்துக்குள் இருக்கும் சிறு வட்டத்தை தெரிவு செய்யவும். Continueவை சுட்டி அடுத்த கட்டத்துக்குச் செல்லவும்.

6. இப்போது உங்கள் வலைப்பதிவு உருவாக்கப்பட்டுவிட்டது. கீழ்காணும் பக்கம் இதைத் தெரிவிக்கிறது. Start Posting எனும் அம்புக்குறியை தெரிந்து பதிவொன்றை(Post) உருவாக்க அடுத்த கட்டத்துக்குச் செல்லவும்.

7. Title எனும் பெட்டியில் உங்கள் பதிவுக்கான தலைப்பை இடவும்(கீழே 'தலைப்பு' எனத் தரப்பட்டுள்ளது). கீழுள்ள பெரிய பெட்டியில் உங்கள் பதிவை தட்டச்சவும். Lables for this post எனும் பெட்டியில் உங்கள் பதிவுக்கான குறிச்சொற்களை தட்டச்சலாம். குறிச்சொற்கள் பதிவுகளை வகைப் படுத்த பயன்படுகின்றன. Publish என்றிருக்கும் பெட்டியைச் சொடுக்கினால் உங்கள் பதிவு பதிக்கப்படுகிறது.

8. பதிவு பதிக்கப்பட்டதை குறிக்க கீழ்கண்ட பக்கம் தோன்றும். இதில் View Blog என்பதை சுட்டினால் உங்கள் பதிவு தெரியும். புதிய பக்கத்தில் தெரிய (in a new window) என்பதை சுட்டவும்.

9. மேலே உருவாக்கப்பட்ட பதிவு கீழே காண்பித்தவாறு தோன்றும்.

10. ப்ளாகரிலிருந்து நீங்கள் கொடுத்திருக்கும் மின்னஞ்சல் முகவரிக்கு ஒரு மின்னஞ்சல் அனுப்பப்படும். இது accounts-noreply@google.com எனும் முகவரியிலிருந்த வந்திருக்கும் (மாற வாய்ப்புள்ளது) http://www.google.com/accounts/VE?service=blogger&c=803041096751403681&hl=en போன்றதொரு சுட்டி இதில் இருக்கும். இதைச் சொடுக்கி உங்கள் மின்னஞ்சல் முகவரியை சரிபார்க்க வகை செய்தல் வேண்டும். இதன் பிறகே நீங்கள் ப்ளாகர் கணக்கை முழுமையாக பயன்படுத்த இயலும்.

மேலும் பதிவுகள் எழுத blogger.com சென்று உங்கள் மின்னஞ்சல் முகவரியையும் கடவுச்சொல்லையும் தந்து 'New Post' என்பதைச் சுட்டி புதிய பதிவுகளை இடலாம். ஏற்கனவே உள்ள பதிவுகளின் பட்டியலைக் காண Posts என்பதை சுட்டலாம்.

ஒரே கணக்கில் பல பதிவுகளை துவக்குவது எப்படி? விரைவில் பார்க்கலாம்...

வலைப்பதிவுத் தொழில்நுட்ப உதவிக்குழு - ஏன், எதற்கு??

நண்பர்களே,

வலைப்பதிவுலகில் தமிழ் வலைப்பதிவுகளின் எண்ணிக்கை வியக்கத்தக்க வகையில் அதிகரித்து வருகின்றன. நாளுக்கு நாள் தமிழில் வலைப்பதிவு தொடங்குவது குறித்த ஆலோசனைகளை வேண்டி வரும் மின்னஞ்சல்களும், தொலைபேசி அழைப்புகளும் அதிகரித்திருக்கின்றன. ஏற்கனவே வலைப்பதிவு செய்யும் நண்பர்களுக்கும் வலைப்பதிவுகளின் சில தொழிற்நுட்ப விஷயங்களை குறித்த சந்தேகங்களை தீர்த்து வைக்க தொழில்நுட்பம் தெரிந்த நண்பர்களின் வழிகாட்டுதல்களும் தேவையாயிருக்கின்றன.

சென்னை வலைப்பதிவர் சந்திப்பின்போது தொழில்நுட்ப விஷயமறிந்த நண்பர்கள் குழுவாக இணைந்து உதவி செய்யலாம் என்ற வேண்டுகோள்கள் வைக்கப்பட வலைப்பதிவு தொழில்நுட்ப உதவிக்குழு அமைக்கலாம் என முடிவு செய்தோம். இது குறித்த செய்தியினை பதிவு செய்தபோது பல்வேறு பகுதிகளில் வாழும் நண்பர்கள் பலர் குழுவில் இணைய முன்வந்தார்கள். இது போன்ற ஒரு குழுவின் தேவையை பல நண்பர்கள் தங்கள் பின்னூட்டத்தில் தெரிவித்திருந்தார்கள். அவர்களுக்கு எங்கள் நன்றிகள்.

முதற்கட்டமாக நாங்கள் செய்ய நினைத்திருக்கும் பணிகள்

1. வலைப்பதிவு தொழில்நுட்ப விஷயங்களை பதிவு செய்யும் ஒரு பதிவு
2. வலைப்பதிவு தொழில்நுட்ப சந்தேகங்களுக்கு, பிரச்சனைகளுக்கு தீர்வளிக்க உதவும் ஒரு குழுமம்

1. வலைப்பதிவு தொழில்நுட்ப விஷயங்களை பதிவு செய்யும் ஒரு பதிவு

இந்தப்பதிவில் வலைப்பதிவு சார்ந்த தொழில்நுட்ப விஷயங்களை தாங்கிய இடுகைகள் வெளிவரும். தமிழில் எழுதுவது எப்படி என்பதில் தொடங்கி வலைப்பதிவு திரட்டிகளில் பதிவுகளை இணைப்பது, மட்டுறுத்தல் செய்வது, படங்கள்/ஒலிப்பதிவுகள்/நிகழ்படங்களை இணைப்பது என வலைப்பதிவுகள் சார்ந்த பல்வேறு தலைப்புக்களின் இடுகைகளை பதிவு செய்வதாக எண்ணம். ஏற்கனவே இது குறித்து மற்ற நண்பர்களின் இடுகைகளை அவர்களின் அனுமதியோடு மீள்பதிவு செய்யவிருக்கிறோம். உங்களின் கருத்துக்களையும் எண்ணங்களையும் பின்னுட்டதின் மூலம் பகிர்ந்து கொள்ளுங்கள். வலைப்பதிவு தொழில்நுட்பம் சார்ந்த தலைப்புக்களின் இடுகைகளை எழுத முன்வரும் நண்பர்களை வரவேற்கிறோம்.

2. வலைப்பதிவு தொழில்நுட்ப உதவிக்குழுமம்.

tamilblogging-support என்ற கூகுள் குழுமத்தை உருவாக்கியிருக்கிறோம். வலைப்பதிவு குறித்த உங்கள் சந்தேகங்களை, அது மிக அடிப்படையானதாக இருந்தாலும் இந்த குழுமத்திற்கு அனுப்பலாம். உங்கள் கேள்விகளை tamilblogging-support [at] googlegroups [dot] com என்ற மின்னஞ்சல் முகவரிக்கு அனுப்புங்கள். பல்வேறு பகுதிகளில் வசித்துவரும் உதவிக்குழு நண்பர்கள் உங்களுக்கு பதிலளிப்பார்கள்.

இந்த உதவிக்குழு குறித்த உங்கள் கருத்துக்களை எங்களுக்கு அவ்வப்போது தெரியப்படுத்துங்கள். அது இந்தக்குழு மேம்பட உதவும். தொடர்ந்து ஆதரவளியுங்கள்.